Mikið átak hefur verið gert í fjáröflunum síðustu tvær vikur og hefur hópur iðkenda staðið fyrir ýmsum viðburðum í því skyni t.d. firmakeppni í frjálsum íþróttum, kleinubakstri og bingói.
Bingóið var það fyrsta sem félagið hefur haldið í 5 ár en árin þar á undan hafði UFA-bingó verið haldið árlega. Um 70 manns mættu og voru verðlaunin vegleg. Í hléi voru veittar viðurkenningar fyrir firmakeppnina og boðið upp á glæsilegar kaffiveitingar.
Við þökkum öllum þeim sem styrktu okkur með bingóvinningum og þeim gestum sem komu.
