Fréttir

Fyrsta vetrarhlaupið fór fram í morgun í ágætu vetrarveðri og færð. Þrjátíu og tveir hlauparar mættu til leiks og hlupu 10 km. Bjartmar Örnuson varð fyrstur í mark á tímanum 39:46, annar var Sigurður Þórarinsson á 42:45 og þriðji var Andri Steindórsson á 43:04. Fyrst kvenna var Rannveig Oddsdóttir á 44:31, önnur var Björk Sigurðardóttir á 51:58 og þriðja var Þóra Björg Magnúsdóttir á 53:30. Hér má sjá úrslitin í hlaupinu.

Fyrsti vetrardagur er á laugardaginn og þá fer fyrsta vetrarhlaup UFA á þessum vetri fram. Hlaupið hefst við Bjarg kl. 11:00 og verður hlaupinn 10 km. hringur. Skráning á staðnum frá kl. 10:30. Keppt verður í stigakeppni í einstaklings- og liðakeppni í sex hlaupum sem fara fram mánaðarlega í vetur. Nánari upplýsingar um hlaupin má sjá hér.

Tekið verður á móti greiðslum æfingagjalda í lok æfinga dagana 7., 8. og 9. október. Einnig er hægt að greiða æfingagjöldin í heimabanka með því að leggja inn á reikning félagsins. Upplýsingar um reikningsnúmer og kennitölu eru hér efst á síðunni en nánari upplýsingar um gjaldskrána má sjá hér. Athugið að ef greitt er fyrir 10. október fæst 10% afsláttur af gjöldunum.