Fréttir

Helgina 17. og 18. ágúst fer Akureyrarmót UFA fram. Keppt verður í fjölda greina í öllum aldursflokkum og reiknum við með að allir okkar iðkendur taki þátt í mótinu. Mótið er einnig hluti af mótaröð FRÍ sem er röð opinna frjálsíþróttamóta þar sem reiknað er með að fremstu frjálsíþróttamenn landsins verði í eldlínunni.

6. ágúst 2013 Þá er 16. unglingalandsmóti UMFÍ lokið. Um 1.300 keppendur alls staðar að af landinu tóku þátt í hinum ýmsu greinum. Keppendur UFA í frjálsum voru 19 talsins og stóðu sig frábærlega. Hæst ber árangur Ásgerðar Jönu Ágústsdóttur í flokki 17 ára en hún setti landsmótsmet í spjótkasti er hún kastaði spjótinu 43,88m, hún sigraði einnig í langstökki með 5,31m og hástökki með 1,57m og varð svo þriðja í 100m hlaupi á 12,88sek.

2. ágúst 2013 Helgina 17.–18. ágúst verður Akureyrarmótið haldið á Þórsvelli. Þetta er fjölmennasta frjálsíþróttamót ársins hjá UFA og við þufum nokkurn fjölda starfsmanna til að framkvæmdin gangi upp. Við biðlum því til félagsmanna og foreldra um aðstoð við framkvæmd mótsins. Vanir starfsmenn stýra vinnunni og það þarf því ekki sérþekkingu á frjálsum íþróttum til að geta aðstoðað. Þeir sem geta starfað við mótið eru beðnir að senda línu á netfangið ufa@ufa.is.