Fréttir

16. júlí 2013 Kolbeinn Höður Gunnarsson úr UFA er einn fimm íslenskra keppenda á EM 19 ára og yngri sem fram fer á Ítalíu 18.–21. júlí. Kolbeinn keppir í 400 og 200 m hlaupum. Undankeppni í 400 m hlaupi fer fram á fimmtudag og úrslit á föstudag og undankeppni í 200 m hlaupi er á föstudag og úrslit á laugardag.

14. júlí 2013 Ásgerður Jana Ágúsdóttir lauk í gær keppni í sjöþraut á heimsmeistaramóti 17 ára og yngri sem fram fer í Úkraínu. Jana náði 4041 stigi í þrautinni og hafnaði í 34 sæti. Í 200 og 800 m hlaupi náði Jana sínum besta árangri til þessa, hljóp 200 m á 27,28 s og 800 m á 2:34,82. Í spjótkastinu gekk hins vegar ekki eins vel því þar gerði hún öll köstin ógild og fékk því ekkert stig fyrir þá grein. Engu að síður ágætur áragnur á fyrsta stórmóti þessarai ungu og efnilegu íþróttakonu.

10. júlí 2013 Aðra helgi fer fram frjálsíþróttamót fyrir alla aldurshópa á Laugum í Reykjadal. UFA hvetur sína iðkendur til að taka þátt í mótinu, en þar sem stutt er að fara verður ekki staðið fyrir hópferð á mótið á vegum félagsins heldur verða foreldrar að fara með börnum sínum. Fyrirtaksaðstaða er á svæðinu, frí tjaldstæð og góð sundlaug er einnig á Laugum.