Fréttir

Hafdís Sigurðardóttir og Kolbeinn Höður Gunnarsson kepptu á Gautarborgarleikunum sem fram fóru um helgina. Hafdís sigraði 100m hlaupið á 12.01s en tíminn hennar í undanrásunum var mun betri eða 11.92s. Þá sigraði hún í langstökki með stökk upp á 6.20m en hún og Nadia Akpana Assa frá Noregi stukku báðar þá lengd og var það stökk Hafdísar upp á 6.14m sem færði henni sigurinn. Hafdís varð svo í öðru sæti í 200m hlaupi á tímanum 24.07s. Kolbeinn Höður kom fyrstu í mark í 400m hlaupinu í sínum aldursflokki á tímanum 48.58s en varð fjórði í 200m hlaupi á tímanum 21.61s. Þetta er glæsilegur árangur hjá okkar fólki - til hamingju Hafdís og Kolbeinn!!!

UFA iðkendur fjölmenntu á Héraðsleika HSÞ á Laugum um helgina. Blíðskaparveður var báða mótsdagana og náðu margir góðum árangri.

Hafdís Sigurðardóttir úr UFA bætti í dag Íslandsmetið í langstökki utanhúss, þegar hún stökk 6,41 m á Evr­ópu­keppni landsliða í frjálsíþrótt­um í Tbil­isi í Georgíu. Þá var Kolbeinn Höður Gunnarsson úr UFA boðhlaupssveit Íslands í 4x100 m boðhlaupi karla sem gerði sér lítið fyrir og sló 18 ára gamalt Íslandsmet í greininni.