Fréttir

Kol­beinn Höður hljóp mjög vel í undanrásunum í 400m hlaupi á Evr­ópu­meist­ara­móti 20-22 ára í Tall­inn í Eistlandi. Kolbeinn náði sínum besta tíma frá upphafi er hann kom í mark á 47,28 sekúndum en fyrir átti hann 47,52. Þessi tími dugði honum þó ekki til úrslita. Kolbeinn Höður kláraði svo 200m hlaupið á 21,48 sek sem er hans ársbesti tími og aðeins 11/100 frá hans besta. Áfram Ísland

Sara Ragnheiður Kristjánsdóttir fékk silfur á Gautaborgarleikunum í 60m grindarhlaupi 12 ára stúlkna þegar hún kom í mark á tímanum 9,86 sek. Frábær árangur hjá þessari fjölhæfu stúlku. Ragúel Pino setti tvö aldursflokkamet þegar hann hljóp 300m hlaup á tímanum 39,29 sek og sló þar með 34 ára gamalt met Viggós Þ. Þórissonar og 80m grind þar sem hann hljóp á 12,10 sek. UFA keppendur stóðu sig afar vel á þessu móti. Nánari úrslit ma finna hér http://www.swedishtiming.se/resultat/150703.htm

Akureyrarhlaup Íslenskra verðbréfa og Átaks var haldið í gær 2. júlí. Keppni í hálfmaraþoni var jafnframt Íslandsmeistaramót í greininni. Þar báru Arnar Pétursson ÍR og Anna Berglind Pálmadóttir UFA sigur úr bítum og eru því íslandsmeistarar í hálfmaraþoni 2015.