Fréttir

Sara Ragnheiður Kristjánsdóttir fékk silfur á Gautaborgarleikunum í 60m grindarhlaupi 12 ára stúlkna þegar hún kom í mark á tímanum 9,86 sek. Frábær árangur hjá þessari fjölhæfu stúlku. Ragúel Pino setti tvö aldursflokkamet þegar hann hljóp 300m hlaup á tímanum 39,29 sek og sló þar með 34 ára gamalt met Viggós Þ. Þórissonar og 80m grind þar sem hann hljóp á 12,10 sek. UFA keppendur stóðu sig afar vel á þessu móti. Nánari úrslit ma finna hér http://www.swedishtiming.se/resultat/150703.htm

Akureyrarhlaup Íslenskra verðbréfa og Átaks var haldið í gær 2. júlí. Keppni í hálfmaraþoni var jafnframt Íslandsmeistaramót í greininni. Þar báru Arnar Pétursson ÍR og Anna Berglind Pálmadóttir UFA sigur úr bítum og eru því íslandsmeistarar í hálfmaraþoni 2015.

Gautaborgarleikarnir fara fram dagana 3. – 5. júlí. Keppendur UFA eru tuttugu og níu að þessu sinni og því ansi stór og glæsilegur hópur sem hélt til Svíþjóðar í nótt. Í dag eru Gautaborgarleikarnir stærsta frjálsíþóttamót í Skandinavíu með yfir 3500 þátttakendur frá 20 löndum. Mótið sjálft fer fram á Ullevi Arena, hinum glæsilega leikvangi Gotverja, í miðborg Gautaborgar. Það verður spennandi að fylgjast með okkar fólki á þessu stórmóti. Fyrir þá sem hafa áhuga á að fylgjast með gengi hópsins þá er hér linkur að heimasíðu mótsins http://www.vuspel.se/