Fréttir

Góður hópur fólks tók þátt í sólarlagsferð UFA upp í Hlíðarfjall í gærkvöldi. Lagt var upp frá Bjargi kl. 22:00 og gengið, skokkað eða hjólað upp að skíðahóteli. Sólarlagið naut sín ekki sökum skýjafars en milt var í veðri og gott útivistarveður. Að ferðinni lokinni létu þátttakendur þreytuna líða úr sér í heitu pottunum á Bjargi.

Meistarmótið í fjölþrautum fór fram á Laugardalsvelli um helgina.  Elvar Örn sigraði í tugþraut sveina(15-16ára) með 5450 stigum, Bjarki Gíslason varð annar í tugþraut drengja(17-18 ára) með 6074 stig sem er árangur sem er yfir lágmarkinu á Norðurlandamótið í fjölþrautum, hann var að bæta sig í langstökki og fleiri greinum.  Frábær árangur til hamingju Bjarki.  Þorsteinn Helgi varð 3. í drengja þrautinni með 5311 stig.  Hulda Margrét Hauksdóttir varð þriðja í sjöþraut meyja með 3093 stig, Valgerður varð 3. í sjöþraut kvenna með 3590 stig.  Til haminjgu með árangurinn krakkar.

Vormót UFA fer fram sunnudaginn 3. júní Sjómannadaginn og hefst kl. 13:00.  Keppnisgreinar eru langstökk, boltakast og 60 metra hlaup hjá 8 ára og yngri og 9-10 ára, langstökk, spjótkast og 100 metra hlaup hjá 11-12 ára, langstökk, spjótkast 100 og 600 metra hlaup hjá 13-14 ára og langstökk, spjótkast 100 og 800 metra hlaup hjá körlum og konum.  Skráningar á mótaforritinu á fri.is til miðnættis föstdagsins 1. júní.