Fréttir

Laugardaginn 21. júní kl. 17:00-19:00 verður grillveisla í Kjarnaskógi. Grillið er fjáröflunarleið hjá þeim sem eru að fara til Gautaborgar 24. júní n.k. á Gautaborgarleikana en alls fara 16 krakkar frá UFA.  Er það von okkar að sem flestir, börn, foreldrar og áhugamenn sjái sér fært að mæta og borða saman, fara í ýmsa leiki og styðja um leið gott málefni.

Pylsa + drykkur: kr. 500.- pr.mann.

Keppni hefst á Dalvík kl. 18:00.  Hittast á Akureyrarvelli fyrir kl. 16:30 og sameinast í bíla. Þátttökugjöld eru 500 krónur á hverja grein.  Hér má sjá tímaseðil mótsins http://www.fri.is/pages/articles6/motaforrit/

Næstkomandi laugardag fer Akureyrarhlaup KEA fram. UFA hefur haldið Akureyrarhlaup allt frá árinu 1992 en gerði í fyrra þriggja ára samning við KEA um að vera aðalstyrktaraðili hlaupsins. Rás- og endamark verður á Ráðhústorgi og er boðið upp á fjórar vegalengdir. Hálft maraþon (21,1 km) og 10 km hlaup með tímatöku og 3 og 5 km hlaup án tímatöku. Keppni í hálfu maraþoni hefst kl. 10:00 en aðrar vegalengdir fara af stað kl. 11:00.
Á heimasíðu hlaupsins www.akureyrarhlaup.is er að finna allar upplýsingar um hlaupið.