Fréttir

Helgina 16. - 17. ágúst verða haldin tvö frjálsíþróttamót á norðurlandi. Meistaramót Íslands 11-14 ára verður haldið á Laugum þá helgi og á Sauðárkróki fara Norðurlandsleikarnir fram. Ufa iðkendur 11-14 ára eru hvattir til að keppa á meistaramótinu fyrir félagið og aðrir aldurshópar ætla að fjölmenna á Krókinn. Þar sem stutt er að fara verður ekki boðið upp á rútuferðir á mótin en foreldrar hvattir til að fylgja börnum sínum. Á Laugum er hægt að tjalda við frjálsíþróttasvæðið og því tilvalið að slá saman útilegu og íþróttaiðkun. Keppendur þurfa að skrá sig hjá þjálfurum í síðasta lagi næstkomandi mánudag (11. ágúst). Mótsgjald á meistaramótið er kr. 2500 og er gisting og grill innifalið í því. Mótsgjald á Norðurlandsleika er kr. 1000 fyrir 10 ára og yngri en kr. 2000 fyrir 15 ára og eldri. Dagskrá mótanna er hægt að sjá í mótaforriti fri.

UFA – krakkarnir stóðu sig með prýði á landsmótinu. Kolbeinn Höður Gunnarsson nýliði í frjálsum kom, sá og sigraði. Hann vann til þriggja gullverðlauna í flokki 13 ára pilta, í 100 m hlaupi 800 m hlaupi og hástökki. Þá varð hann annar í langstökki og í silfursveit UFA í þessum aldursflokki. Auk hans voru í sveitinni Bjarki Kjartansson, Geir Vésteinsson og Magnús Már Sigurðarson. Andri Már Bragason og Bjarki Gíslason gerðu það heldur ekki endasleppt. Andri Már sigraði í 100 og 800 m hlaupum í flokki 14 ára pilta og varð annar í langstökki. Bjarki sem keppir í drengjaflokki sigraði í 800 m hlaupi og langstökki, varð annar í 100 m hlaupi og hástökki og í þriðja sæti í spjótkasti. Hjalti Björnsson hlaut annað sæti í spjótkasti í 14 ára flokknum og Magnús Aríus Ottósson varð annar í langstökki og þriðji í kúluvarpi í keppni 11 ára stráka. Þá varð Guðrún M. Jónsdóttir þriðja í keppni stúlkna í hástökki og spjótkasti, en hún hefur fram að þessu verið þekktari fyrir góðan árangur í blaki, og Tanja Freydís Leggett vann til silfurveðlauna í spjótkasti 11 ára stelpna. Aðrir sem hér eru ekki nefndir stóðu sig líka vel á mótinu en UFA átti 16 keppendur í Þorlákshöfn, 15 í frjálsum íþróttum og 1 í glímu, Þorlák Snæ Gunnarsson sem hampar bronsverðlaunum eftir mótið í flokki drengja 11 – 12 ára. Til hamingju með frá bæran árangur krakkar.
Öll úrslit mótsins í frjálsum íþróttum má nálgast á mótaforriti FRÍ og öll önnur úrslit á heimasíðu UMFÍ.

Keppendur fra UFA eru 15