Nú um helgina er MÍ aðalhluti, þ.e. keppni í karla- og kvennaflokki, haldið í Reykjavík.
Níu keppendur taka þátt frá UFA en heildarfjöldi keppenda er 160.
Hafdís Sigurðardóttir er búin að standa sig frábærlega í dag en hún sigraði í þeim þremur greinum sem hún keppti í og er því orðinn þrefaldur Íslandsmeistari þó seinni dagur mótsins sé eftir. Hún sigraði 60m hlaup á 7,79 sek, 400m hlaup á 56,27 sek og er það bæting hjá henni um 0,53 sek og í langstökki stökk hún 6,11m.
Tími Hafdísar í 400m hlaupinu er besta afrek dagsins en hann skilar henni 1017 stigum.
Kolbeinn Höður Gunnarsson varð annar í 400m hlaupi á 49,12 sek og bætti með því Íslandsmetið í sínum aldursflokki sem hann setti um sl helgi.
Örn Dúi Kristjánsson varð í 3. sæti í þrístökki en hann stökk 12,87m.
Ásgerður Jana Ágústsdóttir varð í 3. sæti í hástökki, stökk 1,61m.
UFA er í 2.sæti í stigakeppni hjá konum og í 3. sæti í heildarstigakeppni mótsins eftir fyrri dag. Þetta er flottur árangur og verður spennandi að fylgjast með gengi þeirra á morgun.
Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
