Meistaramót Íslands í fjölþrautum var haldið um síðustu helgi í Reykjavík. UFA sendi þrjá keppendur á mótið að þessu sinni og gekk þeim nokkuð misjafnt.
Ásgerður Jana stóð sig best því hún varð hlutskörpust í fjölþraut með 3320 stig. (Fimmtarþraut kvenna) Vann langstökkið, 60 m grind, hástökkið og kúluvarpið og varð önnur í 800 metra hlaupinu. Vel gert Jana. Til hamingju með árangurinn.
Stefán Þór Jósefsson keppti í sjöþraut karla og hlaut 3225 stig og átti ekki sína bestu þraut en það gengur bara betur næst.
Gunnar Eyjólfsson keppti í sjöþraut 16 - 17 ára pilta og bætti sinn persónulega árangur og hlaut 4285 stig. Hann stóð sig vel og var mjög jafn í öllum greinum ýmist í öðru eða þriðja sæti að jafnaði. Flott þraut og framtíðarmaður í þraut hjá okkur.
