Rannveig Oddsdóttir langhlaupari úr UFA varð þriðja kona í hálfu maraþoni í Reykjavíkurmaraþoni sem fram fór í morgun. Rannveig varð fyrst íslenskra kvenna á tímanum 1:27:28. Sigríður Einarsdóttir hljóp einnig hálft maraþon og náði fimmta sæti íslenskra kvenna á tímanum 1:36:05 sem er hennar besti tími í hálfu maraþoni til þessa
Bjartmar Örnuson varð áttundi í heildina í 10 km. hlaupi og fimmti íslendingurinn í mark en hann hljóp á 35:54.
Fjóla Dröfn Guðmundsdóttir, Þengill Ásgrímsson og Manolito Petrus Van Haren sem öll hafa æft með langhlauparadeildinni til lengri eða skemmri tíma hlupu einnig hálft maraþon og Elías Gíslason fór sitt fyrsta heila maraþon og lauk því 3:54:56. Heildarúrslit í öllum vegalengdum Reykjavíkurmaraþons má lesa á heimasíðu hlaupsins.
Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
