Langhlaupa- og þríþrautardeild UFA og Þríþrautarfélag Norðurlands standa fyrir keppni í tvíþraut sunnudaginn 26. febrúar kl. 10:00 í samvinnu við Sundlaug Akureyrar, Átak heilsurækt, Hleðslu frá MS og Powerade frá Vífilfelli.
Byrjað verður á sundi 400 m, tveir til þrír keppendur verða á hverri braut og verður ræst í nokkrum hópum kl. 10:15, 10:35, 10:55 og 11:15. Eftir það fara keppendur inn í Átak og hlaupa þar 3 km á brettum.Tímataka verður með hefðbundnu þríþrautarsniði, þ.e. ekkert stopp á milli þrauta. Keppt verður í flokkum karla og kvenna 39 ára og yngri og 40 ára og eldri.
Tekið er við skráningum á netfangið elias@ferdamalastofa.is til kl. 22:00 föstudaginn 24. febrúar. Við skráningu þarf að tilgreina nafn, aldur og áætlaðan sundtíma í 400 m sundi. Hámarksfjöldi keppenda er 40 og borgar sig því að skrá sig tímanlega. Þátttökugjald er kr. 1000 og greiðist í afgreiðslu sundlaugarinnar að morgni keppnisdags. Athugið að ekki er tekið við kortum.
Nánari upplýsingar veita Guðmundur í síma: 822 4706 og Elías í síma: 898 9435.
