Hafdís Sigurðardóttir Varð í 2. sæti í 100m hlaupi, 3. sæti í 400m hlaupi og 2. sæti í báðum boðhlaupunum. Þá varð hún í fjórða sæti í langstökki með stökki upp á 6,08m.
Kolbeinn Höður Gunnarsson varð í öðru sæti í 200m hlaupi á persónulegu meti 21,60 sem er aðeins 5/100s frá unglingameti í greininni. Með þessum árangri náði hann lágmarki fyrir HM 19 ára og yngri en áður hafði hann náð lágmarki í 400m hlaupi. Í 100m hlaupinu hljóp Kolbeinn nálægt sínum besta tíma og hafnaði í fimmta sæti. Í 4x400m boðhlaupi náði karlasveitin 7. sæti af 15 og Kolbeinn keppti einnig í 4x100 m boðhlaupi en þar gerði íslenska sveitin ógilt.
Bjarki Gíslason keppti í þrístökki og náði 8. sæti af 15 keppendum, stökk 14,20m.
Rakel Ósk Björnsdóttir var nokkuð frá sínum besta árangri í kringlukasti, kastaði 30,56m en á best 37,04 og endaði í 12. sæti af 14 keppendum.
Á mbl.is er góð umfjöllun um mótið og þar má m.a. sjá viðtöl við Hafdísi Sigurðardóttur og Kolbein Höð .
