• UFA bikar 2025
  • hlaup

    Langar þig að hlaupa?

    UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.

    Nánari upplýsingar hér.

     

  • MÍ 11-14 2021

Metþátttaka í Gamlárshlaupi

Rúmlega hundrað manns tóku þátt í Gamlárshlaupi og göngu UFA sem fram fór í morgun í blíðskaparveðri. Þetta mun vera besta þátttaka sem náðst hefur í hlaupinu í tuttugu ára sögu þess.  Að hlaupi loknu voru dregin út glæsileg útdráttarverðlaun og Bjarg bauð upp á veitingar.
Í 4 km hlaupi var Bjarki Gíslason fyrstur á 17:09, annar var Einar Máni Friðriksson á 17:59 og þriðji var Tryggvi Unnsteinsson á 19:26. Fyrst kvenna var Tinna Sif Sigurðardóttir á 18:20, önnur var Halldóra S. Halldórsdóttir á 19:26 og þriðja var Arna Björg Jónasardóttir á 19:27. Í 10 km hlaupi var Björn Margeirsson fyrstur á 34:51, Bjartmar Örnuson var annar á 34:58 og þriðji var Andri Steindórsson. Í kvennaflokki var Rannveig Oddsdóttir fyrst á 42:00 Sigríður Einarsdóttir var önnur á 43:16 og þriðja var Björk Sigurðardóttir á 46:15.
Tímar allra sem hlupu, úrslit í aldursflokkum og staðan í stigakeppni vetrarhlaupanna verður birt hér á síðunni innan tíðar.

Svæði

 Ungmennafélag Akureyrar   |   UFA