Keppnistímabilið er hafið í götu- og utanvegahlaupum og UFA Eyrarskokkarar koma vel undan vetri og Covid.
Sigþóra Brynja Kristjánsdóttir og Anna Berglind Pálmadóttir áttu gott hlaup í Víðavanshlaupi ÍR sem haldið var í Reykjavík 13. maí og var jafnframt Íslandsmeistaramót í 5 km götuhlaupi. Sigþóra var önnur í hlaupinu á 18:04 sem er hennar besti tími til þessa og Anna Berglind þriðja á 18:23 sem er jöfnun á aldursflokkameti 40-44 ára kvenna. Glæsilegur árangur hjá þeim stöllum.
Anna Bergling og Sigþóra kampakátar eftir gott hlaup.
Um síðustu helgi heimsótti Rannveig Oddsdóttir Vestmannaeyjar og hljóp The Puffin Run sem er 20 km utanvegahlaup þar sem hlaupinn er 20 km hringur um Heimaey. Rannveig sigraði í hlaupinu og bætti brautarmet kvenna um nokkrar mínútur.
Rannveig á harðahlaupum í Eyjum.
