Bikarkeppni um liðna helgi

FH sigraði karla, kvenna og heildarstigakeppnina og ÍR varð í öðru sæti í þessum þremur flokkum

A-lið UFA í karlaflokki var einu stigi frá því að ná þriðja sætinu karlameginn.

Robert Mackay náði þriðja sæti í 60m á PB (7,21 sek ), Tobias Þórarinn Matharel varð í öðru sæti í langstökki og þriðja sæti í þrístökki. Sindri Lárusson varð í öðru sæti í kúlu og boðhlaupssveit A liðsins varð í þriðja sæti í 4x200m (Þorsteinn, Tobias, Glói og Róbert).

 

B-lið UFA stóð sig vel og kom nokkuð á óvart. Helst ber að geta frábært 60m grindahlaup karla en Garðar Atli Gestsson náði þar fjórða sæti með stórbætingu. Pétur Fridrik hljóp á sínum besta tíma í 60m (7,21 sek) og náði fjórða sæti. Pétur er óðara að finna sitt fyrra form sem eru frábærar fréttir.

 

Það stóðu sig allir vel um helgina og fólk keppti þrátt fyrir eymsli, þreytu og meiðsli og var sérstaklega aðdáunarvert að fylgjast með okkar kornunga kvennaliði en það var mikil brekka fyrir þær þar sem kvennakeppninn var mjög sterk. Þar drógu þær vagninn Elena Soffía Ómarsdóttir og Stefanía Daney Guðmundsdóttir ásamt Helena Ósk Padmavati Hilmarsdóttir. Elena varð fjórða í kúlu og bætti sinn besta árangur (11,39m) Stefanía sem keppti veik náði fimmta sæti í langstökki, hljóp 400m og tók lokasprettin í 4x200m. Guðrún Hjartardóttir náði svo fimmta sæti í hástökki með 1,60m.

 

Í 15 ára og yngri bikar þá mætti UFA með fámennt lið drengjameginn en þeir voru mjög flottir og voru að bæta sig í sínum greinum.

Drengjaliðið fær verðlaunin "fámennt en góðmennt". Þeir voru bara þrír og náðu ekki að keppa í þremur greinum. Markús Máni Sigurðsson bætti sig í kúlu á sínu fyrsta stórmóti, Heimir Bjarnir Steinþórsson keppti í hástökki og 60m og bætti sig í báðum greinum og Jón Oddur keppti í 300m og 1500m og skilaði sínu

 

Stúlknaliðið leiddi keppnina lengi vel með góðri frammistöðu í byrjun en urðu að játa sig sigraða gagnvart sterkum liðum frá Breiðablik, ÍR og FH.

Stúlknaliðið fær verðlaunin "samheldnasta liðið" eftir þessa helgi. Varamenn voru alltaf tilbúnar og hvatningin var alltaf til staðar. Konný Björk Þórðardóttir náði öðru sæti í kúlu, Hugrún Mjöll Eiðsdóttir náði þriðja sæti í 60m grind en það var grátlegt að tímataka hafi misstekist því hún var að stórbæta sig. Clara Victoría Höller varð í þriðja sæti í 60m og langstökki.