Akureyrarmót UFA og Kjarnafæði Norðlenska verður haldið í Boganum laugardaginn 11. mars nk. Boðið er upp á þrautabraut fyrir 9 ára og yngri, en keppt er í flokkum frá 10-11 ára upp í karla- og kvennaflokk.
Skráningar skulu berast í gegnum mótaforrit FRÍ (www.fri.is) eigi síðar en fyrir miðnætti miðvikudaginn 8. mars 2023. Þjálfarar munu auglýsa eftir skráningum keppenda UFA en mótið er öllum opið. Ekki verður hægt að skrá sig á staðnum.
Skráningargjald er 2.000 kr á hvern keppanda 9 ára og yngri í þrautabraut en 4.000 kr á hvern keppanda 10 ára og eldri óháð fjölda keppnisgreina.
Hlekkir á boðsbréf og tímaseðil eru hér fyrir neðan en reikna má með að tímaseðill verði uppfærður miðað við fjölda keppenda og mögulega starfsmannafjölda.
Allir eru velkomnir til að koma að fylgjast með afrekum unga fólksins okkar og við erum mjög þakklát ef áhugasamir eru til í að aðstoða við mótið, endilega hafið samband t.d. með tölvupósti á ufa@ufa.is ef þið eruð til í að hjálpa.
Þrautabraut 9 ára og yngri hefst kl. 10:30 en aðrar greinar skv. tímaseðil (drög hér fyrir neðan), smellið til að sjá stærri mynd.
