8 Íslandsmeistaratitlar á MÍ 11-14 ára og sigur í stigakeppni í flokki 13 ára pilta

Nú um helgina fór fram Meistaramót Íslands í flokki 11-14 ára en 12 keppendur kepptu fyrir hönd UFA á þessu móti. Helstu úrslit voru þessi:

Ragnar Óli Ragnarsson sem keppir í flokki 11 ára pilta stóð sig afar vel og varð þrefaldur Íslandsmeistari, vann auk þess 1 silfur og 1 brons. Hann bætti sinn persónulega árangur í öllum þeim greinum sem hann tók þátt í. Ragnar varð Íslandsmeistari í 800m hlaupi á tímanum 2:49,12s, hann sigraði einnig í hástökki þegar hann stökk yfir 1,26m (átti 1,18m) og kúluvarpið er hann varpaði kúlunni 9,60m (átti 8,94m). Ragnar varð annar í langstökki með stökk upp á 4,10m (átti 3,90) og í þriðja sæti í 60m hlaupi á tímanum 09,00s (átti 9,53s).  

Jón Þorri Hermannsson sem keppir í flokki 12 ára pilta varð í þriðja sæti í langstökki með stökk upp á 4,30m sem er bæting á hans persónulega árangri. 

Kolbeinn Fannar Gíslason sem einnig keppir í flokki 13 ára pilta varð Íslandsmeistari í hástökki þegar hann stökk yfir 1,55m en það er bæting hjá honum um 2cm. Hann varð í öðru sæti í 60m grindarhlaupi á tímanum 10,52s (átti 10,62s). Kolbeinn Fannar varð í þriðja sæti í 800m hlaupi á tímanum 2:38,58s sem og í langstökki með stökk upp á 4,88m (átti 4,84m). 

Arnar Valur Vignisson sem keppir í flokki 14 ára pilta var þriðji í 60m grindarhlaupi á tímanum 10,50s.

Boðhlaupssveit UFA í flokki 13 ára pilta sigraði glæsilega í 4*200m hlaupi á tímanum 1:58,56s. 13 ára piltarnir urðu einnig Íslandsmeistarar í stigakeppninni í sínum flokki með 114 stig. Öll úrslit má finna á:
 http://mot.fri.is/cgi-bin/ibmot/timesedillib2205.htm

Til hamingju með árangurinn krakkar!