Íslandsmetunum rignir í Georgíu
Hafdís Sigurðardóttir úr UFA bætti í dag Íslandsmetið í langstökki utanhúss, þegar hún stökk 6,41 m á Evrópukeppni landsliða í frjálsíþróttum í Tbilisi í Georgíu. Þá var Kolbeinn Höður Gunnarsson úr UFA boðhlaupssveit Íslands í 4x100 m boðhlaupi karla sem gerði sér lítið fyrir og sló 18 ára gamalt Íslandsmet í greininni.
Hafdís Sigurðardóttir úr UFA bætti í dag Íslandsmetið í langstökki utanhúss, þegar hún stökk 6,41 m á Evrópukeppni landsliða í frjálsíþróttum í Tbilisi í Georgíu og sigraði í greininni. Fyrra met Hafdísar var 3,36 sett á Akureyri snemma í fyrrasumar.
Annað Íslandsmet féll á mótinu í dag þegar boðhlaupssveit karla í 4x100 m boðhlaupi gerði sér lítið fyrir og sló 18 ára gamalt Íslandsmet í greininni. Kolbeinn Höður Gunnarsson úr UFA var í sveitinni ásamt Jóhanni Birni Sigurbjörnssyni, Ara Braga Kárasyni og Juan Ramon Borges Bosque. Sveitin hljóp á 40,84 en fyrra met var 41,19.
Þá náði Kolbeinn Höður góðum árangri í 200 m hlaupi þegar hann hljóp á 21,37 og tryggði sér með því þátttökurétt á HM 19 ára og yngri sem haldið verður í Eugene í Bandaríkjunum í næsta mánuði.
