Hafdís og Baldvin Íslandsmeistarar, Sindri með silfur

Meistaramót Íslands var haldið dagana 28.-30. júlí á ÍR vellinum í Skógarseli. UFA átti þar fimm öfluga keppendur. Hafdís og Baldvin urðu Íslandsmeistarar, Sindri fékk silfur í kúluvarpi.

Hafdís Sigurðardóttir (UFA) varð Íslandsmeistari í langstökki kvenna með stökki upp á 6,29 m, eftir æsispennandi sentimetrastríð við Irmu Gunnarsdóttir sem varð önnur með 6,28 m.

Baldvin Þór Magnússon (UFA) sigraði með miklum yfirburðum og á nýju meistaramótsmeti í 5000m hlaupi karla. Baldvin kom í mark á tímanum 13:56,91 mín. en fyrra metið átti Hlynur Andrésson og var það 14:13,92 mín, sett á síðasta ári.

Sindri Lárusson (UFA) varð í öðru sæti í kúluvarpi karla, kastaði 16,24 m.

Sigurlaug Anna Sveinsdóttir (UFA) keppti í 100 m hlaupi, hljóp þar á 13,32 sek og stökk 4,82 m í langstökki.

Stefanía Daney Guðmundsdóttir (EIK/UFA) stökk 5,16 m í langstökki.

Myndir af Flickr síðu FRÍ