Bronz í Mónakó
Smáþjóðameistaramótinu eða Europian Challengers Cup lauk í gær. UFA átti tvo fulltrúa í 14 manna landsliðshóp Íslands.
Tobias Þórarinn Matharel og Garðar Atli Gestsson tóku þátt í sínu fyrsta fullorðins verkefni með landsliði Íslands og árangurinn mjög góður.
Tobias keppti í langstökki og átti í smá brasi og stökk 6,57m og hafnaði í 10 sæti örstutt frá úrslitum. Tobias hljóp fyrsta sprett í boðhlaupssveit Íslands en sveitin hafnaði í sjöunda sæti.
Garðar átti frábæran dag en hann bætti sig í spjótkastinu þegar hann kastaði 65,35m og hafnaði í þriðja sæti sem er frábær árangur í sínu fyrsta verkefni. Þetta kast er örstutt frá lágmarki á HM 20 sem er virkilega góður árangur. Garðar er með annan besta árangur í Evrópu með 800 gr spjót í aldursflokknum 16-17 ára, en þessi hópur kasta 700gr spjóti. Það verður spennandi að sjá hvað Garðar gerir Sumarleikum HSÞ um næstu helgi.
Vel gert dregnir og til hamingju UFA með þennan árangur í starfinu.
