Æfingar eru þrisvar í viku, á mánudögum og miðvikudögum kl. 17.15 og á laugardögum kl. 9.00/9.30
Æfingar hópsins eru settar niður fyrir þrjá æfingahópa:
A Byrjendur og hófsamir hlauparar: Fólk sem er að byrja að hlaupa, eða vill bara nota hlaupin til að halda sér í einhverju formi og skokka reglulega. Æfingar þessa hóps eru yfirleitt á bilinu 5–7 km á mánudögum og miðvikudögum en 7–12 km á laugardögum.
B Áhugahlauparar: Fólk sem er komið á bragðið og er nokkuð sjálfstætt með sínar æfingar. Fólk sem vill nota hlaupin til að halda sér í formi og gjarnan taka þátt í keppnishlaupum líka. Sumir fyrst og fremst til gamans en aðrir til að ná fyrirfram settum markmiðum.
C Afrekshlauparar: Hópur sem er tilbúinn til að setja markið hátt. Fólk sem er komið í gott hlaupaform og vill stefna á keppni og bætingar.
Hópurinn hittist á mismunandi stöðum. Hlaupastaður er auglýstur á facebooksíðu hópsins sem hlauparar fá aðgang að þegar æfingagjöld hafa verið greidd. Þeir sem eru að mæta á sína fyrstu æfingu geta haft samband við þjálfara í gegnum tölvupóst eða síma og fengið að vita hvar á að mæta.
